ادتاج اتحادیه دمکراتیک ترک آذربایجان جنوبی
گادتب: بیر خیالی اولکه وار.
او اولکه‌ده دیللر، قولاق لار، گوزلر، توک‌لر سانسور و کنترل اولور.
فیلم‌لر، کتاب‌لار، تئاتر‌لار، شعرلر، موسیقی‌لر،
توک‌لر، موسیقی آلاتی، ویدیو، سانسور و کنترل اولور.
تیشرت، باشماق، پالتو، کت، مانتو، شالوار، کراوات سانسور و کنترل اولور.
مشروب، شکلات تلخ، قند، چای، سانسور و کنترل اولور.
قادین سانسور و کنترل اولور.
پول، تجارت، اقتصاد، سانسور و کنترل اولور.
سوسیال مدیا (فضای مجازی) سانسور و کنترل اولور.
رای وئرمک، رای وئرمه‌مک، سئچگی‌لر، سانسور و کنترل اولور.
ماشین، موتور، تریلی، کامیون سانسور و کنترل اولور.
دوشونجه، فلسفه، ایدولوژی، سانسور و کنترل اولور.
تاتو، پرسینگ، سیرغا، سانسور و کنترل اولور.
سولار، دوغا، گول‌لر، داغ‌لار، داش‌لار، بولاق‌لار، سانسور و کنترل اولور.
قالالار، تیکینتی‌لر، تاریخی ائولر، اثرلر، مجسمه‌لر، سانسور و کنترل اولور.
جنسی میل‌لر سانسور و کنترل اولور.
دین، مذهب، دین‌سیزلیک سانسور و کنترل اولور.
سوی‌لار سانسور و کنترل اولور.
مخالف‌لر، موافق‌لر، سانسور و کنترل اولور.
انسان‌لار، حیوان‌لار، آغاج‌لار، بیتکی لر، حتی تک سلولی‌لر، سانسور و کنترل اولور.
ائولنمک، اوشاق دوغماق، سانسور و کنترل اولور.
ایلگی‌لر، گوروشمک‌لر، دولانماق‌لار، سانسور و کنترل اولور.
دوستلوق‌لار، دشمن‌لیک لر، سانسور و کنترل اولور.
عشق لر، سانسور و کنترل اولور.
ال_اله توتماق‌لار، اوپوشمک‌لر، قوجاق‌لاشماق‌لار، سانسور و کنترل اولور.
روزنامه لر، مجله‌لر، سانسور و کنترل اولور.
آد، سوی‌آد، سانسور و کنترل اولور.
معدن‌لر، نفت‌لر، گاز‌لار، یئر آلتی یئر اوستو بوتوو قایناق‌لار، سانسور و کنترل اولور.
هر شئی، هر شئی بو اولکه‌ده سانسور اولور!
سیاه چاله کیمی، وار اولان جانلی_جانسیز هر شئی‌یی بویوک بیر قارانلیغا و یوخلوغا محکوم ائدیر.
ایلک‌ده یالان دئدیم… بو خیالی بیر اولکه دئییل…
هشتاد میلیون نفوذو اولان بیر اولکه‌دیر.
بو اولکه‌نین آدی ” سانسورستان” دیر.
