ادتاج اتحادیه دمکراتیک ترک آذربایجان جنوبی
گادتب: ایرانین موللا رئژیمینین اردبیلده یئرلشن محکمهسی تانینمیش آذربایجانلی حقوقشوناس و آذربایجان میللی حرکاتینین آغ ساققال فعاللاریندان پرویز سیابینی ساختا اتهاملارلا 16 ایل حبس جزاسینا محکوم ائتمهسی خبری بیر داها بو رئژیمین آذربایجان تورک میللتینین قانلی دوشمنی اولدوغونو آچیق شکیلده گؤستردی.
ایرقچی فارس-موللا رئژیمی آذربایجان میللی حرکاتینین تانینمیش فعاللارینی، او جملهدن عباس لیسانی، باشقا فعاللار و ایندی ایسه پرویز سیابینی ساختا اتهاملارلا 16 ایل حبسه محکوم ائتمهسی بو ایرقچی رئژیمین آذربایجان تورک میللتی آراسیندا قورخو یاراتما تاکتیکاسیندان خبر وئریر. ایرانین فارس-موللا رئژیمی آچیق شکیلده آذربایجان تورک میللتینه قارشی اعلان اولونمامیش بیر محاربهیه داوام ائدیر.
ایرانین شووینیست و ایرتیجاچی موللا رئژیمی آزربایجانین گونئیینده- تبریز، اردبیل، اورمیا، زنجان، قزوین، کرج و باشقا شهرلریمیزده آذربایجان تورک میللتینین دیلی و میللی حقوقلاری اوغروندا فعالیت گؤسترن یوزلرله فعالیمیزی حبس ائدیب، اونلاری تضییق و ایشگنجه آلتیندا ساخلاییر.
پرویز بَی سیابی و یوزلرله آذربایجانلی فعال فارس ظلمو و موستملکهچیلیگینه معروض قالمیش آذربایجان تورک میللتینین حقوقلاری اوغروندا فعالیت گؤستردیکلرینه گؤره حبس، ایشگنجه و تضییقلرله قارشیلاشمیشدیر.
گونئی آذربایجان دئموکراتیک تورک بیرلیگی (گادتب) ایران رئژیمی طرفیندن رئپرئسیا، حبس و ایشگنجهلره معروض قالمیش میللتیمیزین بوتون مباریز اینسانلارینین یانیندادیر و اونلاری دستکله ییر. ایران رئژیمینین پرویز سیابی و باشقا آذربایجانلی فعاللارا قارشی بو حاقسیز حبس قرارلارینی قطعیتله پیسله ییر و آذربایجان تورک میللتینه قارشی تؤرهدیلن بو جینایتلرده بیرباشا ایران رئژیمینین مسئولیت داشیدیغینی بیلدیریریک. اینانیریق کی، فارس-موللا رئژیمینین بو غیری-اینسانی حرکتلری آذربایجان میللی حرکاتی مباریزلرینین ایرادهسینی و مباریزه عزمینی داها دا گوجلندیرهجک.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
