ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، دئکابرین 17-ده آوسترالیانین سیدنئی شهرینده ائرمنی تئررورچولارینین 41 ایل اؤنجه 1980-جی ایلده تئررور ائتدیگی تورکیه باش کونسولو شاریک آریاک و محافظهچیسی آتاشه ائنگین سئوئرین شرفینه آنیم مراسیمی کئچیریلیب.
آنیم مراسیمینه آوسترالیا-آذربایجان آسوسیاسیاسی پرئزیدئنتی و گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتی صدری سایین میکاییل بی اویتا و گادتب قادین مسئلهلری و اینسان حاقلاری دئپارتامئنتینین صدری سایین سارا خانیم آزرسون قاتیلیبلار.
مراسیمه همچینین تورکیه باش کونسولو سایین علی سئویم، آوسترالیا یئنی گونئی اوئلز (NSW) ایالتینین و فئدئرال پارلامئنتین میللت وکیل لری، پولیس و تهلوکهسیزلیک ناظرلیگینین رسمیلری، دیگر رسمی دؤولت آداملاری، تورک تشکیلاتلارین تمثیلچیلری، ائلهجه ده آمئریکانین باش کونسولو، پاکیستان و شری-لانکا نمایندهلیکلری ایشتیراک ائتمیشلر.
مراسیمده آوسترالیا-آذربایجان آسوسیاسیاسی طرفیندن سایین میکاییل بی اویتا و گونئی آذربایجان دئموکراتیک تورک بیرلیگی (گادتب) طرفیندن سایین سارا خانیم آزرسون تورک شهیدلرینین آابیدهسی قارشیسینا گول چلنگی قویوب خاطرهلرینی سایغی ایله آندیلار.
