ادتاج اتحادیه دمکراتیک ترک آذربایجان جنوبی
گادتب: گولوستان باغینداکی رضاشاه هئیکلینی یئندیریب، یئرینه ستارخان هئیکلی قالدیردیلار. میرجعفر پیشه‌وری او مراسیمده اؤز دانیشیغینی بئله باشلادی:
فرض ائدیریک مکتبده اوشاقلار راحاتجاسینا دانیشیب اویناقلاییر. ائله همن لحظه، مکتب ناظیمی پنجره‌دن ایچری باخسا اوشاقلار سوسوب، هره‌سی اؤز یئرینه قیسیلاجاق. نه‌قدر شهرلریمیزین مئیدانلاری و باشیمیزین اوستونده مرتجعلرین هئیکللری بیر ناظیر و ناظیم کیمی دایانیب، خلقیمیز ایچینده راحاتلیق و معنوی آزادلیق حیس ائتمه‌یه‌جک. ائله محض بونا گؤره، بیز بوگون رضاخان هئیکلینی یئندیریب ستارخان هئیکلینی برپا ائتمکله، ایللر بویو باشیمیزا کؤلکه سالان قارا تبلیغاتین اوستونه قیرمیزی خط چکیریک. اولسون کی، خلقیمیز باشی اوستونده کی ناظیم یئرینه، آرخاسیندا دایاق دوران قهرمانلاری گؤرسون.
او شانلی آددیم و جانلی چیخیش 25.جی ایل، اردیبهشتین 27سی ایدی و بیز او گونون خاطیره‌سینی حؤرمتله آنیب، گولوستان باغیندا یئندیریلن هئیکلین کؤلگه‌سینه تکرار سیغینماریق.
