ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیادا کئچیریلن پارلامئنت سئچکیلرینده آوسترالیا آذربایجان آسوسیاسیاسی و گونئی آذربایجان دئموکراتیک تورک بیرلیگینین (گادتب) دستکله دیگی پارتیا غالیب گلیب.
آوسترالیادا کئچیریلن فئدئرال پارلامئنت سئچکیلرینده آوسترالیا ایشچی پارتیاسینین لیدئری ائنتونی آلبانئس غالیب گلهرک اؤلکهنین یئنی 31-جی باش ناظری اولوب.
آوسترالیا آذربایجان آسوسیاسیاسی (آاا) پرئزیدئنتی سایین میکاییل اویتا ائنتونی آلبانئسه باش ناظر سئچیلمهسی موناسیبتی ایله تبریک مکتوبو دا گؤندریب. مکتوبدا دئییلیر:
“حؤرمتلی باش ناظر،
آوسترالیادا یاشایان آذربایجان ایجماسی آدیندان تبریکلریمیزی قبول ائدین.
آوسترالیانین باش ناظری سئچیلمه یینیز اوچون سیزه ان خوش آرزولاریمی چاتدیرماق ایسته ییرم. سیزه، حکومتینیزه و آوسترالیا خالقینا اوغورلار آرزو ائدیریک.
من سیزین خئیرینیزه اولان بوتون مسئلهلرده سیزینله ایشلمه یی و آوسترالیا ایجماسی و میللی ماراقلاریمیز نامینه امکداشلیق ائتمه یی صبیرسیزلیکله گؤزله ییرم.
امینم کی، سیزین رهبرلیگینیز آلتیندا
آوسترالیا معنالی یوللارلا چیچکله نه جک و اینکیشاف ائدهجک”.
مکتوبون اینگیلیسجه متنینی تقدیم ائدیریک:
