گادتب: 24 یون بوتؤو آذربایجان سئودالیسی، آذربایجاندا میللی آزادلیق حرکاتینین لیدئری، آزربایجانین دئموکراتیک یوللا سئچیلمیش ایلک پرئزیدئنتی ابولفضل ائلچی بیین دوغوم گونودور.
ابولفضل ائلچی بی بوتوو آذربایجان ایدئیاسینین باشیندا دایانان، قوزئی و گونئی آزربایجانین میللی اویانیشی و بوتؤو آذربایجان ایدئیاسینین یاییلماسیندا موستثنا خیدمتلری اولان گؤرکملی تاریخی شخصیتدیر. بؤیوک آتاتورکون و محمد امین رسولزادهنین تورکلوک ایدئیاسینین گونوموزده باشیندا دایانان بؤیوک لیدئردیر. اونون ان اساس فرقلندیریجی اؤزللیگی تام صداقت و صمیمیتله بوتوو آذربایجان ایدئیاسینا قوللوق ائتمهسی و گونئی آذربایجانی بوتؤو آزربایجانین و تورک دونیاسینین آچاری کیمی سجیه لندیرمهسی ایدی.
موستقیل آزربایجانین آذربایجان خالق جمهوریتینین داوامی اولاراق دؤولت رمزلرینی معیینلشدیرن، آزربایجانین بوتؤولشمهسی اوغروندا حرکاتین ایستیقامتینی معیین ائدن ائلچیبی آذربایجان تورک میللتینین ابدی لیدئری اولاراق قالاجاق. “بوتؤو آزربایجانین یولو تبریزدن کئچیر” شعارینین مؤلفی، گونئی آزربایجانین اسارتدن قوتولماسی ایدئیاسینی گوندمه گتیرن ایلک رسمی شخص کیمی تاریخه دوشن ائلچیبی بوتون آذربایجانلیلارین فیکیر و دوشونجه آتاسی کیمی هر زامان قلبلرده یاشایاجاق.
گونئی آذربایجان دئموکراتیک تورک بیرلیگی (گادتب) بوتؤو آذربایجان سئودالیسی و آذربایجاندا میللی آزادلیق حرکاتینین لیدئری ابولفضل ائلچی بیین دوغوم گونونو تبریک ائدیر و بیلدیریر کی، گادتب گونئی آزربایجانین ایستیقلالی و بوتؤو آزربایجانین یارانماسیندا ائلچیبی یولونو و ایدئیالارینی داوام ائتدیریر و بو پرینسیپلره هر زامان صادقلیک نوماییش ائتدیرهجک.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی