“Maksim” taksi etirazlardan sonra Qərbi Azərbaycanda saxtalaşdırdığı adlara düzəliş etdi

GADTB-nin Mətbuat Mərkəzinə daxil olan məlumata görə, irqçi fars rejimi və kürd terrorçuların istəyi ilə Azərbaycan ərazisində yer adlarını təhrif edən “Maksim” taksi ictimai rəyin təzyiqi nəticəsində qondarma adları Qərbi Azərbaycan xəritəsindən sildi.

Qeyd edək ki, bir neçə gün öncə Qərbi Azərbaycanın mərkəzi Urmiya şəhərində fəaliyyət göstərən “Maksim” taksi xidmətləri şirkəti öz xəritəsində Urmiya şəhərinin adını təhrif edərək kürd dilinə “Vərmi” şəklində əks etdirmişdi. Bununla yanaşı “google map”-da məşhur “Kazımxan daşı” təhrif edilərək “Simitko daşı” kimi əks etdirilmişdi.

Azərbaycanda ictimai rəyin təzyiqi və Urmiya bələdiyyəsinin taksilərə nəzarət şöbəsinin rəisi Tohid Rəvanbəxş Azər məsələ ilə bağlı məhkəməyə şikayət ediləcəyi barədə xəbərdarlıqdan sonra təhrif edilən adlar bərpa olunub.