Ermənistan Azərbaycanın Kəlbəcər və Laçındakı mövqelərini atəşə tutdu

GADTB-nin Mətbuat Mərkəzinə daxil olan məlumata görə, Ermənistan yenidən Azərbaycanın Kəlbəcər və Laçındakı mövqelərini atəşə tutdu.

Azərbaycan Müdafiə Nazirliyi bununla bağlı məlumat yayıb.

Azərbaycan Ordusunun Kəlbəcər rayonunun Zəylik, Yellicə, Yuxarı Ayrım və Laçın rayonunun Sadınlar yaşayış məntəqələri istiqamətlərində yerləşən mövqeləri sentyabrın 10-u gündüz saatlarından 11-i səhər saatlarınadək Ermənistan silahlı qüvvələrinin Basarkeçər rayonunun Yuxarı Şorca, Aşağı Şorca, Zərkənd və Gorus rayonunun Xəzinəvar yaşayış məntəqələri istiqamətlərində yerləşən mövqelərindən fasilələrlə müxtəlif çaplı atıcı silahlardan atəşə tutulub.

Bölmələrimizin adekvat cavab tədbirləri nəticəsində qarşı tərəf susdurulub.