ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا-آذربایجان آسوسیاسیاسی پرئزیدئنتی و گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا بیر چوخ دؤولت رسمیسی و آذربایجانلا تورکیهنین آوسترالیادا نمایندهلیکلری ایله بیرگه آوسترالیا ایسلام بیرلیگی فئدئراسیاسینین رسمی دعوتی ایله آوسترالیا ایسلام بیرلیگی فئدئراسیاسینین کئچیردیگی تدبیره قاتیلیب.
2022-جی ایل اوکتیابرین 1-ده کئچیریلن تدبیرده آوسترالیالی سیاستچی و کئچمیش مهاجیرت ناظری فیلیپ رودوک، یئنی گونئی اوئلز (NSW) ایالتینین مولتی کولتور ناظری مارک کورئ، یئنی گونئی اوئلزدن میللت وکیلی لیندا وولتز، ائلهجه ده باشقا ناظر و میللت وکیللری قاتیلمیشلار.
تدبیره همچینین تورکیهنین سیدنئیده کی باش کونسولو سایین علی سئویم، آذربایجان آوسترالیاداکی تمثیلچیسی حؤرمتلی رامیل قوربانوو، روسیانین آوسترالیاداکی سفیری آلئکسئی پاولووسکی و دیگر سیاستچیلر و نمایندهلیکلر قاتیلیب.
