ادتاج اتحادیه دمکراتیک ترک آذربایجان جنوبی
گادتب: گونئی آذربایجان دئموکراتیک تورک بیرلیگینین (گادتب) باشقانی اژدر بی تاغیزاده آذربایجان یوکسلیش پارتیاسینین قوناغی اولوب. آی پارتیا باشقانی آنار اسدلی ایله بیر آرایا گلن اژدر بی تاغیزاده سویداشلاریمیزین مارتین 25-ده بروگسئلده “آزادلیق”، “عدالت”، “میللی حکومت” طلبی ایله کئچیردیگی آکسیانین تفصیلاتلاریندان دانیشیب. آکسیادا ایشتیراک ائدن اژدر تاغیزاده اؤتن گون باکییا قاییدیب. آنار اسدلی اؤز نؤوبهسینده گونئیین بیرلشمهسی، گونئی-قوزئی مسئلهلری حاقیندا فیکیرلرینی دقته چاتدیریب.
آی پارتیا باشقانینین تورک دونیاسی و ایدئولوگیا اوزره معاوینی آینور غضنفرقیزی، غیر حکومت تشسکیلاتلاری ایله ایش و اینسان حقوقلاری معاوینی گولشن حاجییئوا، مشاویری معصومه شوکورزادهنین ایشتیراکی ایله کئچیریلن گؤروشون سونوندا آنار اسدلی مؤلفی اولدوغو “ویجدانین لابود ائتدیگی ساواش”، مهسا مئهدیلینین “44 گونلوک ساواشدا گونئی آذربایجان” کیتابلارینی قوناغا تقدیم ائدیب، اژدر بی تاغیزاده گنجلرین “باشلا” اوتاغی ایله تانیش اولوب.
