ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقه‌لر دئپارتامئنتینین صدری سایین میکاییل بی اویتا ائرمنیلرین آذربایجان اراضیلرین‌ده باسدیردیغی مینالارین یاراتدیغی تهلوکه ایله باغلی آوسترالییانین خاریجی ایشلر ناظری پئننی وونگا مکتوبلا مراجعت ائدیب.
سایین میکاییل بی گؤندردیگی مکتوب‌دا یازیب کی، آذربایجانین ایشغال‌دان آزاد ائدیلمیش اراضیلرین‌ده مینالارلا چیرکله‌نمه نتیجهسینده یارانان آغیر هومانیتار بحرانا دقتینیزی جلب ائتمک و بو پروبلئمین حلینده سیزدن دستک ایسته‌مک اوچون یازیرام.
بیلدیینیز کیمی، آذربایجان اراضیلرینین اوتوز ایل عرضین‌ده ائرمنیستان طرفین‌دن ایشغالی مینلرله آزربایجانلینین اؤز یورد-یوواسین‌دان دیدرگین دوشمه‌سینه سبب اولوب. ۲۰۲۰-جی ایلده بو تورپاقلار آزاد ائدیلدیک‌دن سونرا آذربایجان‌لی مجبوری کؤچکونلر و قاچقینلار ائولرینه دؤنه‌جکلری گؤزلنیلیردی. بونونلا بئله، اراضیلر ائرمنی ایشغال‌چی قوه‌لرینین یئرلشدیردیگی مینالارلا گوج‌لو شکیل‌ده چیرکلنیب و اونلار بو مینالاری فرق قویمادان پایلاییبلار.نتیجه‌ده هر گون مولکی آذربایجان وطنداشلاری حیاتینی ایتیریر. معلوماتلارا گؤره، ۱۴۷ ۹۸۸ هئکتار اراضی یوکسک درجه‌ده چیرکلنمیش، ۶۷۵ ۵۷۰ هئکتار ایسه اورتا و آشاغی ریسکلی اراضیلر حساب اولونور.
وضعیت بوتون ائرمنی قوه‌لرینین آذربایجان اراضی‌سین‌دن چیخاریلماسینی طلب ائد‌ن ۱۰ نویابر ۲۰۲۰-جی ایل تاریخ‌لی اوچ طرف‌لی بیانات‌دان سونرا داها دا پیسلشیب. بونونلا بئله، ائرمنیستان سلاح‌لی قوه‌لری اراضییه قانون‌سوز داخیل اولماق‌دا داوام ائدیر و مجبوری کؤچکونلرین اؤز ائولرینه قاییتماسینی چتینلشدیریر. روسییا صلح مرام‌لی کونتینگئنتی موقتی اولاراق آذربایجان اراضی‌سین‌ده یئرلشدیریلیب، لاکین هئچ بیر فرق قویمادان مینالارین یئرلشدیریلمه‌سی مولکی اهالی اوچون اهمیت‌لی تهلوکه یارادیر و مجبوری کؤچکونلرین گئری قاییتماسینا مانع اولور.
سون رقملره گؤره، اوچ طرف‌لی بیاننامه‌نین ایمضالانماسین‌دان بری ۱۶۰-دان چوخ مینا پارتلاییشی باش وئریب و بونون نتیجهسینده ۲۷۹ نفر حیاتینی ایتیریب.
سایین میکاییل بیین مکتوبونون اینگیلیسجه تام متنینی تقدیم ائدیریک:
