ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) و گونئی آذربایجان ایستیقلالچیلار بیرلیگی (گایب) باشقانی سایین اژدر بی تاغیزاده بو گون ابولفضل ائلچیبیین مزارینی آنیم گونونده زیارت ائدیب.
قئید ائدک کی، ابولفضل قدیرقولو اوغلو علیئو (ائلچیبی) ۱۹۳۸-جی ایل ایونون ۲۴-ده اوردوباد رایونونون کلکی کندینده آنادان اولوب. ۱۹۵۷-جی ایلده آذربایجان دؤولت اونیوئرسیتئتینین شرقشوناسلیق فاکولتهسینی بیتیریب. بیر مدت مصرده ترجومهچی کیمی چالیشیب، باکییا قاییتدیقدان سونرا آذربایجان دؤولت اونیوئرسیتئتینده معلم ایشلهییب. ۱۹۷۵-۱۹۷۶-جی ایللرده آنتیسووئت فعالیتینه گؤره حبسده اولوب. ایل یاریملیق حبسدن سونرا آذربایجان علملر آکادئمییاسینین الیازمالار اینستیتوتوندا چالیشماغا باشلاییب. او، ۱۹۸۸-جی ایلده آذربایجاندا باشلایان میللی آزادلیق حرکاتینین لیدئرلریندن بیری، آذربایجان خالق جبههسینی یارادانلاردان اولوب.
۱۹۹۲-جی ایل ایونون ۷-ده پرئزیدئنت سئچیلن ابولفضل ائلچیبی بیر ایل سونرا گنجهده باشلایان حربی قیام نتیجهسینده باکینی ترک ائدیب و ۱۹۹۳-جو ایل ایونون ۱۷-ده اوردوباد رایونونون کلکی کندینه گئدیب.
ایونون ۲۴-ده میللی مجلیسین قراری ایله صلاحیتلرینه سون وئریلمیش ابولفضل ائلچیبی فعالیتینی آذربایجان خالق جبههسی پارتییاسینین و بوتؤو آذربایجان بیرلیینین صدری کیمی داوام ائتدیریب.
اوزون سورن آغیر خستهلیکدن سونرا ۲۰۰۰-جی ایلین آوقوستون ۲۲-ده تورکییهنین آنکارا دؤولت خستخاناسیندا دونیاسینی دییشهن ۶۲ یاشلی ابولفضل ائلچیبیین جنازه سی باکییا گتیریلهرک فخری خیاباندا دفن ائدیلیب.
