ادتاج اتحادیه دمکراتیک ترک آذربایجان جنوبی
گادتب: بو گون ۲۲ آوقوست بوتوو آذربایجان ایدئیاسینین بانی‌سی، آذربایجان میللی آزادلیق حرکاتینین لیدئری، بؤیوک شخصیت و آذربایجانین کئچمیش پرئزیدئنتی ابوالفضل ائلچی بیین وفاتینین ایل دؤنومودور.
ابوالفضل ائلچی بیین قوزئی و گونئی آذربایجانین میللی اویانیشی و بوتؤو آذربایجان ایدئیاسینین یاییلماسین‌دا موستثنا خیدمتلری اولموش‌دور. تورک کیملیگین بوتؤو آذربایجان و تورک دونیاسین‌دا برپاسی و چیچکله‌نمه‌سین‌ده ده ائلچی بیین موستثنا خیدمتلری اولموش‌دور.
ابوالفضل ائلچی بیین ان اساس فرقلندیریجی اؤزل‌لیگی تام صداقت و صمیمیتله بوتوو آذربایجان ایدئیاسینا قوللوق ائتمه‌سی و گونئی آذربایجانی بوتؤو آذربایجانین و تورک دونیاسینین بیرلیگینین آچاری کیمی سجییه‌لندیرمه‌سی ایدی. «بوتؤو آذربایجانین یولو تبریزدن کئچیر» شعاری ایله گونئی آذربایجانین اسارت‌دن قوتولماسی ایدئیاسینی گوند‌مه گتیر‌ن و بو ایدئیا ایله ایلک رسمی شخص کیمی تاریخه دوشن ابوالفضل ائلچی بیی بوتون آذربایجان‌لیلارین فیکیر و دوشونجه آتاسی کیمی هر زامان قلبلرده یاشایاجاق. موستقیل آذربایجانین آذربایجان خالق جمهوریتینین داوامی اولاراق دؤولت رمزلرینی معیینلش‌دیر‌ن، آذربایجانین بوتؤولشمه‌سی اوغرون‌دا حرکاتین ایستیقامتینی معین ائد‌ن ائلچیبی آذربایجان تورک میللتینین ابدی لیدئری اولاراق قالاجاق.
گونئی آذربایجان دئموکراتیک تورک بیرلیگی (گادتب) گونئی آذربایجانین ایستیقلالی، بوتؤو آذربایجانین یارانماسی و تورک دونیاسینین بیرلیگی و همرأی‌لیگی اوغرون‌دا ائلچیبی یولو و ایدئیالارینا صادق قالاراق، بو یولو داوام ائتدیریر و ائلچیبی ایدئیالارینین گئج-تئز گئرچکلشه جه یینه اینانیر.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
