ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقه‌لر دئپارتامئنتینین صدری سایین میکائیل بی اویتا رسمی دعوتله بو گون تورکیه‌نین آوسترالییادا سیدنئی موسیاد تیجارت تشکیلاتینین کئچیردیگی تدبیره قاتیلیب.
اوکتیابرین ۲۵-ده کئچیریله‌ن تدبیرده گئنئل باشقان ماحموت آسمالی و یؤنتیم کورولو عضولری آوسترالییادا تیجارت علاقه‌لری ساحه‌سین‌ده بیزنئس آداملاری ایله گؤروش کئچیردیلر.
تدبیره تورکیه‌نین آوسترالییادا اولان سفیری حؤرمت‌لی اوفوک گزر، تورکیه‌نین باش کونسولو حؤرمت‌لی علی سئویم، قارداش اؤلکه- پاکیستانین باش کونسولو و آوسترالییانین دؤولت تمثیلچی لری، یئنی گونئی اوئلز (NSW) ایالتینین مولتیکولتورال تمثیل‌چی‌سی و دیگر میللتلرین تیجارت آداملاری ایشتیراک ائدیبلر.
بو گؤروشون یاخین گله‌جک‌ده تورکیه، آوسترالییا، آذربایجان و پاکیستان آراسین‌دا تیجارت علاقه‌لرینین داها دا یاخشیلاشماسین‌دا رولو اولاجاغینا اینانماق اولار.
تدبیر سیدنئیین سولارین‌دا ۴ساعاتلیق گمی سیاحتی ایله باش توتوب.
