GADTB Güney Azərbaycan Demokratik Türk Birliyi
GADTB: Dünən BMT-nin baş katibi Antonio Quterreş İranda edamların sayının artması ilə bağlı narahatlığını dilə gətirərək bildirib ki, 2023-cü ildə bu ölkədə ən azı 834 nəfər dar ağacından asılıb.
O, 2022-ci illə müqayisədə ötən il edam göstəricilərində 43% artım olduğunu vurğulayıb.
BMT-nin İnsan Haqları Şurasının hazırladığı hesabat 2023-cü il avqustun 1-dən 2024-cü il martın 31-dək olan dövrü əhatə edir. Hesabata əsasən, 2022-ci ildə İranda edam sayının ən azı 582 olduğu təxmin olunub.
Bu hesabatda Quterreş əlavə edib ki, 2023-cü ildə edamların ümumi sayından ən azı 471 edam cəzası narkotiklə əlaqəli cinayətlərlə bağlıdır.
Bu rəqəm 2022-ci ildə narkotiklərlə bağlı bildirilən 256 edamla müqayisədə 84% artımı üzə çıxarıb./Azad Iran
