GADTB Güney Azərbaycan Demokratik Türk Birliyi
GADTB: ABŞ-ın Türkiyədəki səfiri Tom Barak Vaşinqtonun indiyədək İranın hakimiyyətini üç dəfə dəyişdirdiyini bildirib. O deyib ki, ABŞ şahı hakimiyyətə gətirib, 1979-cu ildə Xomeynini hakimiyyətə yüksəldib və şahı hakimiyyətdən uzaqlaşdırıb. Barak bu cümlədən sonra bir anlıq susub, daha sonra çıxışını davam etdirib.
ABŞ səfirinin sözlərinə görə, rejim dəyişikliyindən danışarkən siyasətin dəyişdirilməsi nəzərdə tutulur. O, İran İslam Respublikasını iranda əhalinin boğazını sıxan “şər qüvvə” adlandırıb. Barak bildirib ki, bu günlərdə adi bir iranlı üçün sağ qalmaq çox çətinləşib.
O əlavə edib ki, Trampın fikrincə, İranda xalq bu boğucu vəziyyətdən azad olsa və ətrafında rifah görsə, zamanla hakimiyyəti özü dəyişəcək.
Barakın sözlərinə görə, əsas tələb etimaddır və proses atəşkəslə başlamalıdır.
