ABŞ İranla bağlı Türkiyədə üç qurumu hədəfə aldı

ABŞ Maliyyə Nazirliyi ötən gün İranla bağlı yeni sanksiyalar tətbiq edib və bu çərçivədə Türkiyədə yerləşən üç qurumu hədəf alıb.

Yeni sanksiya tətbiq olunan qurumlar arasında “Golden Global Portfoi Yönitemi Anonim Şerketi”, “Golden Global Varlik Kiralama Anonim Şerketi” və “Golden Global Yatirim Bankasi Anonim Şerketi” də var.

ABŞ Maliyyə Nazirliyi həmçinin sanksiya tətbiq olunan qurumlarla əməliyyatların tədricən dayandırılmasına imkan yaradan verən ümumi icazə verib.

Qurumlar İslam İnqilabı Keşikçiləri Korpusunun Qüds Qüvvələri üçün on milyonlarla dollarlıq əməliyyatları asanlaşdırmaqda və İran rejiminə beynəlxalq səviyyədə vəsaitlərin axın etməsinə imkan verən əsas bank brokerlik çıxışı təmin etməkdə ittiham olunurlar.