GADTB Güney Azərbaycan Demokratik Türk Birliyi
GADTB: Birləşmiş Ştatlar İranın tikinti sektoruna qarşı sanksiyaların yeni mərhələsini açıqlayıb.
Bu addım Tehran və Vaşinqton arasında 🇮🇹 Romada keçirilən nüvə danışıqlarının beşinci raundu ərəfəsində baş tutub.
Sanksiyalar İranın mülki infrastrukturu, eləcə də hərbi proqramları üçün həyati əhəmiyyət kəsb edən materiallara qoyulan məhdudiyyətləri genişləndirir.
Sözügedən qanunun qəbul edilməsində məqsəd kütləvi qırğın silahlarının yayılmasına qarşı çıxmaq və İran iqtisadiyyatının ölkənin nüvə və hərbi fəaliyyətləri ilə bağlı hissələrinə dəstəyin qarşısını almaqdır.
ABŞ-nin yeni tədbirləri maqnezium, volfram, natrium perklorat və xüsusi alüminium və nikel-xrom ərintiləri daxil olmaqla on strateji materialı hədəfə alır.
Volfram zireh yaradan döyüş sursatlarının və raket komponentlərinin istehsalında istifadə olunur, natrium perklorat isə İslam Respublikasının ballistik raket proqramını birbaşa dəstəkləyən bərk yanacaqlı raketlərin əsas yanacaq tərkib hissəsidir.
ABŞ hökuməti İranın tikinti sektorunun SEPAH-ın nəzarətində olduğunu bildirir.
Vaşinqtonun fikrincə, İranın bu materiallara çıxışının məhdudlaşdırılması ölkədə silahların hazırlanması prosesini ləngidə və Tehran hökumətinə daha böyük iqtisadi təzyiq göstərə bilər. /Azad İran
