GADTB Güney Azərbaycan Demokratik Türk Birliyi
GADTB: Ağ Ev “X” sosial şəbəkəsində yaydığı yeni paylaşımda ABŞ prezidentinin qərarvermə otağında çəkilmiş Donald Trump fotosunu paylaşaraq, Amerika vətəndaşlarına qarşı istənilən addıma münasibətdə sərt və təhdidedici mövqe nümayiş etdirib. Qısa mesajda “Bu, oyun deyil” ifadəsi yer alıb.
Paylaşılan şəkildə Donald Trampın adından verilən sitatda deyilir: “Əgər amerikalılara zərər versəniz və ya amerikalılara zərər vurmağı planlaşdırsanız, sizi tapacaq və öldürəcəyik.”
Bu mesajın Ağ Evin rəsmi hesabı tərəfindən yayılması, Tramp administrasiyasının xarici siyasətdə çəkindirici və təhlükəsizlik yönümlü ritorikaya qayıdışı kimi qiymətləndirilir. Həmin yanaşma birbaşa cavab, açıq təhdid və ABŞ-ın düşmənlərinə qarşı qeyri-müəyyənliyə yer qoymamaq prinsipinə əsaslanır.
Məlumata görə, təhlükəsizlik gərginliyinin artdığı və xaricdəki ABŞ vətəndaşlarına qarşı təhdidlərlə bağlı narahatlıqların yüksəldiyi bir vaxtda yayılan bu mesaj, İran hakimiyyətinə, eləcə də ABŞ maraqlarına qarşı sərhədlərarası təhdid və ya dolayı əməliyyatları dəstəkləyən silahlı qruplara və terror şəbəkələrinə açıq xəbərdarlıq kimi qiymətləndirilir.
Xatırladaq ki, ötən gün İraqdakı “Kətaib Hizbullah” terror qruplaşmasının komandiri Türkiyədə təhlükəsizlik qüvvələri tərəfindən saxlanılaraq ABŞ qüvvələrinə təhvil verilib.
