GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ağ Evin Yaxın Şərq və Şimali Afrika üzrə koordinatoru Bret Mak Qorq 3 amerikalı mənbəyə istinadən İranla yaxın gələcəkdə nüvə sazişinin imzalanmasının gözlənilmədiyini bildirib. Onun fikrincə, İran hələlik belə bir qərar vermək iqtidarında deyil.
“Axios” saytının iyulun 27-də yaydığı xəbərdə, habelə vurğulanıb ki, İran tərəfi ölkənin ali lideri Əli Xameneini anlaşmaya razı salmaq üçün Amerikadan daha çox imtiyazlar tələb etsə də, rəsmi Vaşinqton bunu qəbul etməyib.
Mak Qorqun sözlərinə görə, Bayden hökuməti İslam Respublikasına qarşı sanksiyalar və siyasi təcrid rıçaqlarından istifadəyə davam etmək niyyətindədir. Məlumata əsasən, güc tətbiq etmək və hərbi variantlara əl atmaq Bayden administrasiyası tərəfindən yalnız son çarə kimi istifadə ediləcək.
