GADTB Güney Azərbaycan Demokratik Türk Birliyi
GADTB-nin Mətbuat Mərkəzinin “Azadİran”a istinadən yaydığı məlumata görə, Amerika İran və Şimali Koreyanın yeraltı nizami təsisatını məhv etmək üçün yeni nisbətən kiçik, amma öncəki variantdan daha güclü dağıdıcı qüvvəyə malik bombanın sınaqlarını keçirir.
Hədəflərin daxilinə nüfuz edə bilən GBU-71 adlı bu bomba bir neçə gün öncə F-15 təyyarəsi vasitəsilə Floridada yerləşən Eglin hava bazasında sınaqdan keçirilib.
Hazırlanması 2017-ci ildən başlanmış bombanın bu sinifdən olan digər bombalarla müqayisədə daha dağıdıcı olduğu bildirilir.
Yeni bombanın sınağı Tel-Əvivlə Vaşinqton arasında İranla bağlı “alternativ plan”ın müzakirəsi ilə bağlı danışıqlarla bir vaxtda keçirilir.
