Amerika Konqresinin üzvləri Belçika hökumətini Əsədullah Əsədini İrana ekstradisiya etməməyə çağırıblar

GADTB-nin Mətbuat Mərkəzinə daxil olan məlumata görə, Amerika Konqresinin Nümayəndələr Palatasının 13 respublikaçı və demokrat üzvü Belçikanın baş nazirinə məktub göndərərək, onu bu ölkənin parlamentində iranlı “diplomat-terrorçu” Əsədullah Əsədinin Tehrana qaytarılması ilə bağlı qanun layihəsinin təsdiqlənməsinin qarşısını almaq üçün tədbirlər görməsini çağırıblar.

Amerikalı qanunvericilər bu ölkənin Nümayəndələr Palatasının “İranda xalqın demokratik, dünyəvi və nüvəsiz respublika arzusunu” dəstəkləmək üçün qəbul etdiyi “118 saylı qətnamə”yə toxunaraq, Belçikanın baş nazirindən İranda saxlanılan belçikalı girovların Avropada terror cinayətlərində mühakimə olunan cinayətkarlarla mübadilə edilməsi ilə bağlı Tehranın istənilən “şübhəli” təklifini qəbul etməməyi xahiş ediblər.