GADTB Güney Azərbaycan Demokratik Türk Birliyi
GADTB: Bu gün səhər saatlarında ABŞ Güney Azərbaycan və İran şəhərlərində irqçi fars rejiminin hədəflərinə genişmiqyaslı hücumlar həyata keçirib.
Bu gecə Təbrizdə çoxsaylı partlayış səsləri eşidilib. Şərqi Azərbaycan Vilayətinin Böhran İdarəetmə Baş İdarəsinin yaydığı məlumata görə, bu gün, 31 tir 1405-ci il tarixində, səhər saat 02:40 radələrində Təbriz şəhəri ətrafındakı hərbi bölgələrdən biri ABŞ ordusunun hava hücumuna məruz qalıb və eşidilən partlayış səsləri bununla bağlı olub. Bildirilib ki, Təbriz şəhərinin daxilində heç bir məntəqə hədəfə alınmayıb.
Eyni zamanda, sosial şəbəkələrdə Təbriz yaxınlığındakı Əsbəs Xosrovşah ərazisində baş vermiş hadisə yerinə aid görüntülər yayılıb.
Bəzi mənbələr həmin ərazinin hücuma məruz qaldığını iddia ediblər. Son günlər Təbrizin müxtəlif bölgələrində və Səhənd raket bazası ətrafında partlayışlar və hücumlar barədə də məlumatlar yayılmışdı.
Məlumatlara görə, Qərbi Azərbaycan vilayətinin Tikantəpə (Tikab) şəhərindən 30 kilometr məsafədə yerləşən Ağdərə bölgəsi də bombardman edilib.
Bununla yanaşı, Zəncan, Həmədan və Kabudar Ahəng bölgələri də hədəfə alınıb.
Bu arada, Fars xəbər agentliyi Sirik şəhərində bir neçə partlayışın baş verdiyini bildirib. Yeni qarşıdurmaların başlanmasından keçən on bir gecə ərzində Sirik hər gecə hücuma məruz qalıb.
Digər tərəfdən, İranın daxili xəbər agentlikləri Mahşəhr və Buşehr, Abdanan rayonundakı Dinarkuh yüksəklikləri, Anarq yüksəklikləri, Behbəhan və Ümidiyyə ətrafı, eləcə də Çabahar və Kənərək bölgələrində partlayışların baş verdiyini xəbər veriblər.
