Avropa İttifaqı Hörmüz boğazının minalardan təmizlənməsində dəniz missiyasını həyata keçirməyə hazır olduğunu deyir

GADTB: Avropa İttifaqı “Aspides” hərbi-dəniz missiyasını Qırmızı dənizdən Hörmüz boğazına istiqamətləndirməli və buranı minalardan təmizləməlidir.

 Bu barədə “Reuters” agentliyi Aİ Şurasının qətnamə layihəsinə istinadən məlumat yayıb.

Sənəddə qeyd olunur: “Şərait imkan verdikdə, Aİ-nin ‘Aspides’ dəniz missiyasına Hörmüz boğazının minalardan təmizlənməsində prioritet rol veriləcək və bu, Aİ-nin İngiltərə-Fransa koalisiyasının səylərinə töhfəsi olacaq”.

Sənəd iyunun ortalarında Brüsseldə keçiriləcək görüşdə Aİ xarici işlər nazirlərinin müzakirəsinə təqdim olunacaq.

 Vurğulanır ki, bu, “Aspides” missiyasının Hörmüz boğazına köçürülməsi ilə bağlı ilk hüquqi təklifdir.