GADTB Güney Azərbaycan Demokratik Türk Birliyi
GADTB: Avropa İttifaqının (Aİ) xarici işlər nazirləri 29 yanvarda Brüsseldə keçiriləcək görüşdə İrana qarşı yeni sanksiyalar paketini nəzərdən keçirəcəklər.
Bu barədə “Politico” nəşri iki avropalı diplomata istinadən məlumat yayıb.
Mənbənin sözlərinə görə, təklif olunan siyahıya insan haqlarının pozulmasına görə Aİ sanksiyaları rejimi çərçivəsində 21 maddə daxildir. Bundan əlavə, Avropa Xarici Fəaliyyət Xidməti dron istehsalı ilə bağlı 10 maddə əlavə etməyi təklif edir.
“Politico”nun məlumatına görə, Almaniya, Fransa və Niderland Tehrana qarşı məhdudiyyətlərin sərtləşdirilməsini ən çox dəstəkləyən dövlətlərdir.
Məlumatda o da bildirlib ki, Avropa İttifaqı Roma, Paris və Madridin müqavimətinə görə İslam İnqilabı Keşikçiləri Korpusunu (SEPAH) terror təşkilatı kimi tanımaq niyyətində deyil.
Daha əvvəl Avropa Komissiyasının prezidenti Ursula fon der Leyen bildirib ki, Avropa İttifaqı İrana qarşı sanksiyaların daha da sərtləşdirilməsini istisna etmir.
