GADTB Güney Azərbaycan Demokratik Türk Birliyi
GADTB: Avstraliya Azərbaycan Assosiasiyasının prezidenti, Güney Azərbaycan Demokratik Türk Birliyinin (GADTB) Beynəlxalq Əlaqələr Departamentinin sədri sayın Mikayil bəy Oyta 31 Dekabr – Dünya Azərbaycanlılarının Həmrəyliyi Günü münasibətilə bildiriş yayıb. Bildirişi olduğu kimi təqdim edirik:
31 Dekabr – Dünya Azərbaycanlılarının Həmrəyliyi Günü bütün dünyaya səpələnmiş 55
milyondan artıq azərbaycanlının birliyini, milli kimliyini və mənəvi gücünü ifadə edən əlamətdar
bir gündür.
Bu tarix böyük Azərbaycan millətinin dünyanın dörd bir yanında yüksək mədəniyyətini, zəngin irsini və dövlətçilik ənənələrini layiqincə təmsil etdiyini bir daha nümayiş etdirir.
Bu gün biz güclü və müstəqil Azərbaycan dövlətinin mövcudluğunu, ölkəmizi beynəlxalq aləmdə ən yüksək səviyyədə tanıdan, xalqımıza etibar və qürur qazandıran böyük siyasi xadim,
Azərbaycan Respublikasının Prezidenti, hörmətli cənab İlham Əliyevin uzaqgörən siyasətini xüsusi vurğulayırıq.
Dövlətçiliyimizə qarşı yönəlmiş hər cür təxribat və çevriliş cəhdlərinin ifşa olunması, milli birliyimizin qorunması hər bir azərbaycanlının borcudur.
Avstraliya Azərbaycan Assosiasiyası adından 31 Dekabr – Dünya Azərbaycanlılarının Həmrəyliyi Günü və Yeni 2026-cı il münasibətilə bütün dünya azərbaycanlılarını səmimi-qəlbdən təbrik edirik. Böyük millətimizə möhkəm can sağlığı, uzun ömür, şad günlər, rifah, firavanlıq, sülh və əmin-amanlıq arzulayırıq.
Qoy 2026-cı il Azərbaycan xalqı üçün birlik, güc və yeni uğurlar ili olsun.
Dərin hörmətlə,
Mikayil Oyta
Avstraliya Azərbaycan Asosiyasinin Birliyinin Prezidenti ( AAA )
