Şənbə , Noyabr 26 2022
azfa

Ayıl Güney Azərbaycanda türkcə ada görə doğum şəhadətnaməsi ala bilməyən körpələrin simvoluna çevrildi

GADTB-nin Mətbuat Mərkəzinə daxil olan məlumata görə, Ərdəbildə Ayıl adı qoyulduğu üçün doğum şəhadətnaməsi ala bilməyən körpə Güney Azərbaycanda  türkcə ada görə doğum şəhadətnaməsi ala bilməyən körpələrin simvoluna çevrilib.

İrqçi fars rejimin bu irqçi siyasətinə etiraz olaraq Ərdəbil şəhərində bir qrup milli-mədəni fəalı fevral ayının 2-də şəhər divarlarına yazdıqları şüarlarla azərbaycanlı milli fəal Səccad Colaninin qızı “Ayıl”a türkcə ad seçdikləri üçün İranın Vətəndaş Vəziyyətinin Qeydiyyat İdarəsi tərəfindən doğum şəhadətnaməsi verilmədiyinə etirazlarını bildiriblər.

Azərbaycanlı milli-mədəni fəallar bu məqsədlə divarlara yazdıqları şüarlarla azərbaycanlı körpələrə, o sıradan “Ayıla” seçilən türk adlarının sənədləşdirilməsini və onlara doğum şəhadətnaməsi verilməsini istəyiblər:

 “Ayıl”

“O Ayıl qalacaq#Ayıl”

“Mən ayılmaqdan qorxmuram”

Qeyd edək ki, Ayıl adı son vaxtlar Güney Azərbaycanda türkcə ada görə doğum şəhadətnaməsi ala bilməyən körpələrin simvoluna çevrilib.

İrqçi fars rejim Güney Azərbaycanda çox sayda azərbaycanlı körpə valideynləri öz dillərində türk adları qoymaq istədiyi üçün doğum haqqında şəhadətnamə vermir. Onlardan bir neçəsinin adı Sevgi, Ayıl, Anar, Atakan və s. türk adları üçün doğum haqqında şəhadətnamə ala bilməyiblər.

Sevgiyə valideynləri türk adı seçdikləri üçün ona irqçi fars rejim doğum şəhadətnaməsi vermir.

Sevginin atası Mehdi Qiyasi öz “İnstagram” səhifəsində paylaşdığı yazıda bildirib ki, İranın Vətəndaş Vəziyyətinin Qeydiyyat İdarəsi iki aylıq övladına adının türkcə Sevgi olduğuna görə sənəd verməkdən imtina edir.

Onun sözlərinə görə, əvvəllər bir neçə körpəyə bu adla idarə tərəfindən doğum haqqında şəhadətnamə verilməsinə baxmayaraq, indi idarə məsulları müxtəlif bəhanələrlə doğum şəhadətnaməsi verməkdən imtina edirlər.

Qiyasi yazır ki, İranın Vətəndaş Vəziyyətinin Qeydiyyat İdarəsinin məsulları bildirirlər ki, valideynlərin uşaqlarına ad seçimək qaydalarında dəyişiklik edilib və bununla bağlı mərkəzdən yeni göstəriş gəlib. Buna görə həmin ada sənəd verə bilmirlər.

Eyni zamanda 70 günlük Anarın atası Həsən Əmirpur Çaxırlı da övladına türkcə ad seçdiyi üçün ona doğum haqqında şəhadətnamə ala bilmədiyi və qarşılaşdığı problemlərlə barədə “İnstagram” səhifəsində məlumat paylaşımışdı.

Həmçinin Ərdəbil sakini olan sənətçi, mədəni fəal Səccad Colani də 7 aylıq qızı Ayıl üçün seçdikləri türkcə ada görə doğum haqqında şəhadətnamə ala bilmədiklərini bildirmişdi.

Azərbaycanlı fəal Səccad Colaninin Ərdəbil əyalətinin Vətəndaş Vəziyyətinin Qeydiyyat İdarəsinə çoxsaylı müraciətləri qarşısında idarə məsulları ona “Biz mərkəzi sistemə tabeik” cavabı vəriblər.

İrqçi fars rejim Güney Azərbaycanın Ərdəbil şəhərində həmin valideynlərinin Ayıladı seçdiyi qıza 7 aydır şəxsiyyət vəsiqəsi verməkdən imtina ediblər.

Köpənin atası azərbaycanlı milli-mədəni fəal Səccad Colani bununla bağlı ilk günlərdə Ərdəbilin Vətəndaş Vəziyyətinin Qeydiyyat İdarəsinin qarşısında çəkdiyi videoda bildirmişdir ki, idarənin məsulları ona Ayıl adına şəxsiyyət vəsiqəsi verilməsi üçün Tehrandan icazə verilməli olduğunu bildiriblər.

Həmçinin yoxlayın

Ermənistan rəsmisi anti-Azərbaycan mövqeyinə görə İrana təşəkkür edib

GADTB: “Fars” xəbər agentlinin məlumatına görə, erməni saytlarından biri ölkə hökumətinə istinadən xəbər verir ki, …

Molla rejimi ağsaqqal azərbaycanlı fəal Pərviz Siyabini ağır cinayətlər törətmiş məhbusların bölməsinə köçürüb

GADTB-nin Mətbuat Mərkəzinə daxil olan məlumata görə, irqçi fars-molla rejimi Ərdəbildən olan tanınmış hüquqşünas, azərbaycanlı …