Azərbaycanlı fəal Siyamək Kuşinin dosyesi məhkəməyə qaytarıldı

GADTB-nin Mətbuat Mərkəzinə daxil olan məlumata görə, azərbaycanlı milli-mədəni fəal Siyamək Kuşinin dosyesi rejimin Təbrizdə yerləşən İnqilab Məhkəməsinin birinci şöbəsinə qaytarılıb.

Rejim erməni təcavüzünü pislədiyinə görə fəalı “Ölkə təhlükəsizliyinə qarşı cinayət törətmək üçün toplaşma və əlbir olmaq” və “Ümumi asayişi pozmaq”da ittiham edib.

Bundan öncə Siyamək Kuşi 28 azərbaycanlı fəalla birlikdə İran vasitəsilə Ermənistana hərbi texnikanın göndərilməsinə etiraz və Qarabağa dəstək aksiyalarında iştiraka görə, 2020-ci il  noyabrın 4-də rejimin Təbrizdə yerləşən prokurorluğunun 16-cı şöbəsində çağrılmışdı.

Fəal 2020-ci il oktyabr 18-də Təbrizdə yaxalanaraq, dindirildikdən sonra mülki vəsiqə qarşılığında zaminə buraxılmışdır.