Şənbə , İyul 20 2024
azfa

Azərbaycanlı fəalların yaydığı bildiriş Qoşaçayda da geniş yayıldı

GADTB-nin Mətbuat Mərkəzinə daxil olan məlumata görə, Qoşaçay şəhərində azərbaycanlı milli-mədəni fəallar Urmiya gölünün qurudulmasına etiraz olaraq bildirişlər yayıblar.

Azərbaycanlı milli fəallar şəhərin büün bölgələrində minlərlə bəyanat yaymaqla bir daha Urmiya gölünün acınacaqlı və böhranlı durumuna diqqət çəkmək istəyiblər.

Bundan öncə isə Qərbi Azərbaycan bölgəsində azərbaycanlı fəallar bəyanat yayıb gölün böhranlı vəziyyəti ilə bağlı İran rejiminə xəbərdarlıq etmişdilər. Həmin bəyanat Urmiya, Sulduz, Xoy və s. şəhərlərdə yayılmışdı. İlndi isə Qoşaçay şəhərində yayılıb.

Qoşaçay şəhərində də geniş şəkildə yayılan həmin bəyanatın bir hissəsində yazılıb: “Biz Qərbi Azərbaycan əyalətinin milli-mədəni fəalları olaraq bildiririk ki, əgər hökumət Azərbaycanın nadir təbiət incisinin bərpası üçün təcili və əməli addımlar atmasa, biz Urmiya gölünün məhv edilməsini kənardan seyr etməklə, yalnız bəyanat verməklə kifayətlənməyəcəyik. Küçələrə axışıb kütləvi aksiyalar vasitəsilə səsimizi dünya ictimaiyyətinə çatdıracağıq.

Urmiya gölündən son günlərdəı gölün böhranlı vəziyyətinə dair yayılan şəkil və görüntülər Azərbaycan Türk Millətini gölün tam məhv olması qorxusu yarandığı üçün ciddi narahat edib.

Bu sahənin ekspertlərinin bildirdiyinə görə, artıq göl son nəfəslərini çəkməkdədir və əgər ciddi və düzgün tədbir görülməsə göl tamamilə xəritədən silinəcək.

Azərbaycanın mədəni və ətraf mühit fəalları 20 ildir ki, məsullarla görüşlərdə, stadionlarda, müxtəlif mədəni və ictimai tədbirlərdə, aksiyalarda, media və başqa yerlərdə Urmiya gölünün qurumasının qarşısının alınması ilə bağlı xəbərdarlıq edirlər. Ancaq görünən odur ki. mərkəzdə oturan hakim şovinist düşüncəli sistem başçıları bölgə xalqının həyati məsələsinə miliyyətçi və etnik fərqlilik gözü ilə baxırlar.

Sözsüz ki, Urmiya gölünün məhv olması gölün yüzlər km ətrafında yaşayan əhalini ciddi şəkildə etkiləyəcək. Bu təkcə iqtisadi problemlər yaratmayacaq, bütünlükdə regionun ekosistemini dəyişəcək.

“Görünən kəndə nə bələdçi”, artıq hamı bilir ki, gölün quruması Azərbaycanı təsəvvürə gəlməz fəlakətlə üz-üzə qoyacaq.

Biz Qərbi Azərbaycan əyalətinin milli-mədəni fəalları olaraq bildiririk ki, əgər hökumət Azərbaycan incisinin bərpası üçün təcili və əməli addımlar atmasa, biz Urmu gölünün məhv edilməsini qıraqdan seyr etməyə, yalnız bəyanat verməklə kifayətlənməyəcəyik. Küçələrə axışıb kütləvi aksiyalar vasitəsilə səsimizi dünya ictimaiyyətinə çatdırmağa çalışacayıq. Bütün imkanlarımızdan istifadə edərək hakim sistemin Azərbaycanın sərvətlərini talamaq, Azərbaycanı qarət etməklə yanaşı onun Urmu gölünün qətlinə fərman verən olduğunu dünyaya car çəkəcəyik”.

Həmçinin yoxlayın

“Human Rights Watch” molla rejimin edama məhkum etdiyi azərbaycanlı işçi fəalı ilə bağlı bəyanat yaydı

GADTB: “Human Rights Watch” Rəşt şəhərinin Lakan həbsxanasında saxlanılan edama məhkum edilmiş azərbaycanlı işçi hərəkatı …

​​ Azərbaycanlı fəalı İrəc Şirzad həbs edilərək zindana salınıb

GADTB: Ərdəbildə Güney Azərbaycan Milli Hərəkatının fəalı İrəc Şirzad həbs edilərək siyasi təqiblərin qurbanına çevrilib. …