Azərbaycanlı media fəal molla rejimin məmurları tərəfindən həbs edilib

GADTB-nin Mətbuat Mərkəzinə daxil olan məlumata görə, Ərdəbil şəhərində yaşayan sosial media fəalı Səhər Məmizadəni həbs edərək naməlum yerə aparıblar.

Rejimin ETTELAAT qüvvələri Ərdəbil şəhərində yaşayan Səhər Məmizadəni həbs ediblər.

 Məlumata görə, rejimin qüvvələri oktyabrın 30-da Səhər Məmizadənin evinə basqın edərək onu saxlayıblar. Onun həbsinin üzərindən 8 gün keçməsinə baxmayaraq, xanım fəalın harada olması hələ də bəlli deyil.

Qeyd olunub ki, 29 yaşlı sosial media fəalının daha öncə məşhur iranlı reper Tumac Salehinin həbsinin ikinci ildönümü ilə bağlı sosial media hesabındakı paylaşıma görə həbs edildiyi ehtimal edilir.