Cümə axşamı , Dekabr 2 2021
azfa

Azərbaycanlı milli fəal Məhəmməd Mərdi məhkəməyə çağrıldı

GADTB-nin Mətbuat Mərkəzinə daxil olan məlumata görə, irqçi fars rejimin məhkəməsi Təbrizdə azərbaycanlı fəal Məhəmməd Mərdini məhkəməyə çağırdı. Bu barədə fəala məhkəmənin elektron sistemi vasitəsilə çağırış göndərilib.

Çağırış vərəqəsinə əsasən, Məhəmməd Mərdi oktyabrın 26-da rejimin Cinatər Məhkəməsinin 111-ci şöbəsində olmalıdır.

Bundan öncə isə rejimin Təbrizdəki prokurorluğunun 15-ci şöbəsində Mərdiyə qarşı “İctimai asayişi pozmaq” ittihamı irəli sürülüb, barəsində qaldırılmış “Sistemə qarşı təbliğat” ittihamı isə ləğv edilmişdi.

Qeyd edək ki, Məhəmməd Mərdi iyulun 24-də İran rejiminin məmurları tərəfindən yaxalanmışdı. Azərbaycanlı fəal yaxalanarkən döyülüb, baş və çənə nahiyəsindən ciddi xəsarət almışdı.

Azərbaycanlı fəal ETTELAAT-ın təcridxanasında dindirildikdən sonra avqustun 11-də rejimin Təbrizdəki zindanına köçürülmüş, avqustun 14-də isə girov qarşılığında zaminə buraxılmışdı.

Məhəmməd Mərdi həmçinin 2016-cı ildə isə azərbaycanlı milli fəal Murtəza Muradpurun zindanda aclıq aksiyasına dəstək verdiyi üçün də təzyiqlərlə qarşılaşmışdır.

Məhəmməd Mərdi 2017 və 2018-ci illərdə Babək Qalası Qurultayına, eləcə də 2019-cu ildə Qulamrza Amaninin anım mərasiminə qatıldığı üçün də yaxalanmışdı.

Həmçinin yoxlayın

Azərbaycanlı siyasi məhbus Abbas Lisaniyə azadlıq tələbilə dəstək aksiyası-Video

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində oktyabrın 1-də bir qrup …

Azərbaycanlı fəalı Əkbər Mohacerinin həbsi üçün İran məhkəməsinin əməkdaşları onun evinə hücum ediblər

GADTB-nin Mətbuat Mərkəzinə daxil olan məlumata görə, İran rejiminin Şərqi Azərbaycandakı prokurorluğu Azərbaycan Milli Hərəkatının …