Azərbaycanlı milli fəal Tehran həbsxanasına köçürüldü

GADTB: Sosial şəbəkələrdə Sərəskəndoğlu ləqəbi ilə tanınan və həbsdə olan radio aparıcısı və teatr aktyoru Məhəmməd Hadi Şərifinəsəb bədnam Evin zindanından Böyük Tehran həbsxanasına aparılıb.

Bununla bağlı onun yaxınları bildiriblər ki, Məhəmməd Hadi Şərifinəsəb iki həftə Evin həbsxanasının təhlükəsizlik bölməsinin təkadamlıq kamerasında saxlanılıb və ona işgəncə verilib.

O, “separatçı və pantürkist qrup yaratmaq, ölkənin təhlükəsizliyini pozmaq məqsədilə əlbir olmaq və ictimai düşüncəni çaşdırmaq, hökumət məmurunu döymək və təhqir etmək”də ittiham olunub.

Azərbaycanlı milli fəalın yaxınları və məlumatlı mənbələr Sərəskəndoğluna qarşı irəli sürülən ittihamların saxta olduğunu deyiblər. Onun bundan öncə “Urmu_Araz üçün birlik” kampaniyasının başladılmasında aparıcı rol oynadığına görə cəzalandırıldığı vurğulanıb.

Həmçinin yoxlayın

Azərbaycan Ermənistanda artan sürətli hərbiləşmədən narahat olduğunu bildirir

GADTB-nin Mətbuat Mərkəzinə daxil olan məlumata görə, Azərbaycanın xarici işlər naziri Ceyhun Bayramov ölkədə səfərdə …

Türküstanda “Birləşdik-2024” hərbi təlimi davam edir

GADTB: Azərbaycan, Qazaxıstan, Qırğızıstan, Tacikistan və Özbəkistan respublikalarının Müdafiə nazirlikləri arasında imzalanmış birgə plana əsasən, …