GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bir müddət öncə Babək qalasından qayıdan zaman həbs edilən və şəxsi əşyaları müsadirə olunan azərbaycanlı milli fəallar Meysəm Colani, Rza Vasiqi, Əli Lisani, Mehdi Lisani və Behzad Dəşti sentyabrın 29-da Kəleybərdə rejimin prokurorluğu qarşısında oturaq aksiya keçiriblər.
Azərbaycanlı fəallar bundan əvvəl də xəbərdarlıq etdikləri kimi mobil telefonlarının geri qaytarılmamasına etiraz olaraq oturaq aksiya keçirmişdilər.
Etirazdan 5 saatdan sonra fəalların etirazı nəticə verib və Kəleybərdə rejimin prokurorluğu onların müsadirə olunmuş mobil telefonlarını özlərinə qaytarıb.
Qeyd edək ki, Əli Lisani, Mehdi Lisani, Meysəm Colani, Behzad Dəşti, Rza Vasiqi və Pejman Səlimi avqustun 2-də Kəleybər rayonunun Babək qalasından qayıdan zaman həbs ediliblər, onlara məxsus şəxsi əşyalar, o cümlədə mobil telefonlar müsadirə olunub.
Meysəm Colani, Rza Vasiqi, Behzad Dəşti və Pejman Səlimi bir gün sonra Kəleybər polis bölməsindən, Əli Lisani və Mehdi Lisani isə Əhər şəhərinə köçürüldükdən sonra sərbəst buraxılıblar.
