Şənbə , Noyabr 27 2021
azfa

Azərbaycanlı siyasi məhbus Abbas Lisani təcili əməliyyat üçün silahlı məmurların müşayiəti ilə xəstəxanaya yerləşdirildi

GADTB-nin Mətbuat Mərkəzinə daxil olan məlumata görə, İran rejiminin Ərdəbil zindanında həbs etdiyi azərbaycanlı siyasi Məhbus Abbas Lisani noyabrın 4-də silahlı məmurların müşayiəti ilə Ərdəbil şəhərinin Tibbi Ekspertiza Mərkəzinə yerləşdirilib.

Abbas Lisani MRT analizinin nəticələrinə və həkimlərin rəyinə əsasən Tibb Ekspertiza Mərkəzinə aparılıb. Belində ciddi ağırlar olan Abbas Lisaninin təcili əməliyyat olunmalı olduğu bildirilir.

Tibb Ekspertiza Mərkəzinin həkimi təkidlə bildirib ki, Abbas Lisani tezliklə müayinə olunmalı, analizlərinin nəticələri yoxlanılmalı və mütəxəssis həkim tərəfindən müalicə edilməlidir.

Qeyd edək ki, bir müddət öncə kəskin bel və diz ağrılarından əziyyət çəkən Abbas Lisaniyə zindan həkimlərinin verdiyi dərmanlar və tətbiq etdikləri müalicə işə yaramadığı üçün o silahlı məmurların müşayiəti ilə Ərdəbilin Fatimi xəstəxanasına aparılıb, orada analizlər verdikdən sonra zindana qaytarılmışdı.   

Həmçinin oktyabrın 21-də Abbas Lisani üç avtomobillə rejimin məmurlarından ibarət qrupun müşayiəti ilə MRT analizi üçün klinik terapiya mərkəzlərinə aparılmışdı. Orada azərbaycanlı siyasi məhbusdan analizlər götürülmüşdü.

İran rejiminin məmurlarının müdaxiləsi nəticəsində müxtəlif xəstəliklərdən, o cümlədən bel-onurğa disk yırtığı xəstəliyindən əziyyət çəkən azərbaycanlı siyasi məhbusun vəziyyəti ağırlaşıb .

Qeyd edək ki, 2019-cu ilin iyul ayında rejimin Ərdəbildəki İnqilab Məhkəməsinin 1-ci şöbəsi tərəfindən Lisani 8 il həbs və 2 il sürgün cəzasına məhkum edilib.

Daha sonra bu qərar rejimin Ərdəbildəki Apellyasiya Məhkəməsi tərəfindən 2 il sürgün və 15 il həbs cəzasına qaldırılıb.

Həmçinin yoxlayın

Soçi görüşünün nəticələri ilə bağlı bəyanat yayılıb

GADTB-nin Mətbuat Mərkəzinə daxil olan məlumata görə, noyabrın 26-da Soçidə Azərbaycan Respublikasının Prezidenti İlham Əliyev, …

İran qüvvələri İsfahanda etirazlara atəş açdı-Video

GADTB-nin Mətbuat Mərkəzinə daxil olan məlumata görə, bir neçə gündür davam edən etirazlar İsfahan Xürrəmabadda …