GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ötən gün Azərbaycandakı Rus Evinin adının rus dilində yazılan hissəsi götürülüb. Bu gün sosial şəbəkələrdə yayılan görüntülərdən mərkəzin Azərbaycan dilində yazılan hissəsinin də söküldüyü məlum olub.
Qeyd edək ki, Bakıdakı Rus Evi fəaliyyətini dayandırıb və artıq yerləşdiyi binanı boşaldıb.
Azərbaycan “Rus Evi”nin fəaliyyətinə xitam verilməsi barədə Rusiyaya nota göndərib. Belə ki, “Rossotrudniçestvo”nun Azərbaycandakı nümayəndəliyi olan Rusiya İnformasiya-Mədəniyyət Mərkəzi – “Rus Evi”nin hüquqi şəxs qismində qeydiyyatının mövcud olmadığı və təşkilatın Azərbaycan qanunvericiliyini ciddi şəkildə pozduğu barədə Rusiya tərəfinə məlumat verildikdən sonra, 3 fevral 2025-ci il tarixində “Rus Evi”nin fəaliyyətinə xitam verilməsi barədə Rusiya tərəfinə nota göndərilib.
