GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı ailə aylarla mübarizədən sonra övladların Sevgi adına doğum şəhadətnaməsi ala bilib.
Vahid Purmustafayi və həyat yoldaşı qızlarına seçdikləri Sevgi adına görə doğum haqqında şəhadətnamə ala bilmirdilər.
Onlar dəfələrlə İranın Vətəndaş Vəziyyətlərinin Qeydiyyatı İdarəsinə getsələr də, idarənin əməkdaşları azyaşlı körpəyə türk adı seçilməsinə icazə verilmədiyini bildiriblər və onlardan körpə üçün başqa ad seçmələrini tələb ediblər.
Məlumata görə, azərbaycanlı ailə vəkil Əsgər Məhəmmədi ilə birlikdə 5 ay mübarizə apardıqdan sonra Sevgi türk adı ilə şəhadətnamə ala bilib.
Qeyd edək ki, İranda uşaqlar üçün türk adı seçmək qanunsuz sayılır və qadağandır. Ötən illərdə İranda dəfələrlə belə hallar baş verib, habelə valideynlər həbs edilib və ya basqılarla üzləşiblər, ancaq sonra hökumət rəsmiləri geri çəkilməyə məcbur olublar.
