GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, Güney Azərbaycanın Xoy şəhərində ekofəallar aksiya keçiriblər.
Aksiyaçılar “Urmu gölü can verir” adı altında keçirdikləri aksiyada şəhərin müxtəlif bölgələrini məişət tullantılarından təmizləyiblər.
“Yarpaq” Ətraf Mühit Təşkilatının təşəbbüsü ilə keçirilən aksiyanın məqsədi həmdə əhalinin diqqətini Urmu gölünün acınacaqlı vəziyyətinə cəlb etmək olub.
Azərbaycanlı ekofəallar şüar və tələblərini aşağıda qeyd edildiyi kimi plakatlarda nümayiş etdiriblər:
“Urmu gölü can verir!
Su bəndlərindən Urmu gölünün su kvotasını verin!
Araz çayının çirklənməsi regionda xərçəng xəstəliyinin yaranması təhlükəsini artırır.
Xoydakı su böhranı siyasi oyunlarla həll olan deyil!
Plastik tullantılarla çirklənməni ciddi nəzarətə götürməliyik!”
