Azərbaycanlı fəal Nima Məhəmmədi Vəfa 38 gündür xəbərsiz karantin bölməsində saxlanılır

QADTB: Azərbaycan milli hərəkatının fəalı və tələbə olan Nima Məhəmmədi Vəfa artıq 38 gündür ki, heç bir hüquqi status müəyyənləşdirilmədən və rəsmi izahat verilmədən Təbriz Mərkəzi Həbsxanasının karantin bölməsində saxlanılır.

Daxil olan məlumatlara əsasən, bu gənc fəalın hazırkı vəziyyəti ilə bağlı ailəsinə hər hansı dəqiq və rəsmi informasiya təqdim edilməyib. Onun uzun müddət hüquqi qeyri-müəyyənlik şəraitində saxlanılması narahatlıqları ciddi şəkildə artırır. Aradan 38 gün keçməsinə baxmayaraq, Nima Məhəmmədi-Vəfanın hansı ittihamla saxlanıldığı və nə zaman məhkəmə qarşısına çıxarılacağı hələ də məlum deyil.