GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bir qrup azərbaycanlı fəal Tehranda martın 12-də Tehran şəhərinin bir çox bölgələrində İran hökumətinin ayrı-seçkilik siyasətlərinə etiraz olaraq üzərinə şüarlar yazılmış vərəqələr yayıblar.
Azərbaycanlı fəallar bununla son yüz ildə Azərbaycan millətinə qarşı sistematik ayrı-seçkiliyə reaksiya verib və xalqı xilas etməyin yeganə yolunun müstəqillik olduğunu bəyan ediblər.
Azərbaycanlı fəalların şəhərdə yaydığı yazılı vərəqələrdə “Tehran qeyri-fars millətlərin iqtisadi sürgün mərkəzi”, “Müstəqillik qeyri-fars xalqların yeganə çıxış yoludur” şüarları əks olunub.
Həmin vərəqələri yaymaqla son 100 ildə mərkəzi hakimiyyətin Azərbaycan türklərinə və başqa qeyri-farslara qarşı sistemli zülmünə etirazlarınıbildiriblər.
