GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Qərbi Azərbaycan əyalətinin apellyasiya məhkəməsi azərbaycanlı jurnalist vəfəal, Qərbi Azərbaycan mediasının tanınmış mənsublarından biri olan Siyavaş Süleymanipura ittihamlarından bəraət qazandırıb.
Siyavaş Süleymanipur rejimin Urmiyadakı Ümumi və İnqilab Məhkəməsinin 3-cü şöbəsində hakim Nəcəfzadənin sədrliyi ilə keçirilən prosesdə ümumilikdə 6 il 10 ay müddətinə azadlıqdan məhrum edilmişdi.
Qeyd edək ki, Siyavuş Süleymanipur keçən il Urmiyada rejimin ETTELAAT İdarəsinin məmurları tərəfindən evinə basqın zamanı həbs edilib. O, yaxınları ilə görüşmək və əlaqə saxlamaq hüququndan məhrum edilib. Azərbaycanlı jurnalist həbsdə olduğu müddətdə dəfələrlə işgəncələrə məruz qalıb. 45 gündən sonra isə girov qarşılığında zaminə buraxılmışdır.
