Cümə axşamı , Mart 28 2024
azfa

Azərbaycanlı milli fəal Cəfər İsmayılzadə İranın Təbrizdəki zindanına köçürülüb

GADTB-nin Mətbuat Mərkəzinə daxil olan məlumata görə, İran rejiminin yaxaladığı azərbaycanlı milli fəal və idman ustası Cəfər İsmayılzadə rejimin Təbrizdəki zindanına köçürülüb.

Cəfər İsmayılzadənin yaxınlarının verdiyi məlumata görə, fəal iyunun 16-da 250 milyon tümən girov qoyduqdan sonra Təbriz zindanının karantin bəndinə, daha sonra isə zindanın 3-cü bölməsinə köçürülüb.

Qeyd edək ki, iyunun 7-də Təbrizdə azərbaycanlı milli-mədəni fəal Cəfər İsmayılzadə İranın terrorçu Sepah təşkilatının məmurları tərəfindən öz evinin qarşısında yaxalanmışdı.

İran rejiminin terrorçu Sepah qüvvələri milli fəalın evində axtarış aparıb, ona məxsus yaddaş kartlarını və oğlu Miladın (Atilla) mobil telefonunu da özləri ilə götürmüşdülər.

Bundan əvvəl isə Cəfər İsmayılzadə və oğlu dinc mədəni fəaliyyətlərinə görə dəfələrlə saxlanılıb və təzyiqlərə məruz qalmışdılar.

2020-ci ilin iyun ayında İsmayılzadə və oğlu Milad Təbrizin İnqilab Məhkəməsinin qərarı ilə “hökumətə qarşı təbliğat fəaliyyəti”ndə ittiham olunaraq 6 ay həbs cəzasına məhkum edilib və Təbriz zindanına salınmışdılar.

Cəfər İsmayılzadə Kikboks üzrə hakim və müəllim, oğlu isə bu idman növü üzrə İran birincisi olmaqla yanaşı, beynəlxalq yarışlarda medallar qazanıb.

Həmçinin yoxlayın

Güney Azərbaycanda molla rejimin insan haqlarının pozmasına dair illik hesabat yayıldı

GADTB-nin Mətbuat Mərkəzinə daxil lan məlumata görə, azərbaycanlı fəallar və Abbas Lisani adına açılmış sosial …

Urmiya bələdiyyəsi voleybol üzrə Premyer Liqanın final mərhələsinə yüksəlmək ərəfəsindədir

GADTB-nin Mətbuat Mərkəzinə daxil lan məlumata görə,Urmiya Bələdiyyəsinin voleybol komandası bu axşam Premyer Voleybol Liqasının …