GADTB Güney Azərbaycan Demokratik Türk Birliyi
GADTB: Təbii ehtiyatlar üzrə tədqiqatçı və Şərqi Azərbaycan Kənd Təsərrüfatı və Təbii Sərvətlər Araşdırma və Təhsil Mərkəzinin keçmiş rəhbəri Əhməd Bayburdi yayımladığı infoqrafikada Urmiya gölündəki orta keçid körpüsü vasitəsilə duzun daşınmasının ekoloji nəticələri barədə xəbərdarlıq edib.
Bayburdinin hesablamalarına görə, orta keçid körpüsünün altından keçən su axınları ilə təxminən 375 milyon ton duz gölün şimal hissəsinə daşınıb. Məlumatda qeyd olunur ki, keçən suyun həcmi təxminən 1,5 milyard kubmetr, daşınan duzun həcmi isə təqribən 200 milyon kubmetr olub.
Tədqiqatçı hesab edir ki, gölün şimal hissəsində duzluluğun artması duzun tədricən çökərək yığılmasına, dayaz sahələrdə və su hövzələrində toplanmasına, eləcə də göl yatağında duz qatlarının əmələ gəlməsinə səbəb ola bilər.
Onun sözlərinə görə, duzun müəyyən hissəsi yerli axınlar vasitəsilə başqa ərazilərə daşınsa da, böyük hissəsi həmin bölgədə qalacaq.
Əhməd Bayburdi həmçinin suyun keyfiyyətinin dəyişməsi, bitki örtüyü və yaşayış mühitlərinin zəifləməsi, artemiya və digər su canlılarının sayının azalması, köçəri quşların həyatına mənfi təsirlər, su və çöküntülərin mikrob və kimyəvi tərkibində dəyişikliklər, eləcə də gölün şimal sahillərində quruma və səhralaşma prosesinin güclənməsi ehtimalından danışıb.
O, vəziyyətin qarşısını almaq üçün gölə daxil olan duz və suyun idarə olunmasını, duzluluq səviyyəsinin müntəzəm monitorinqini və təbii yaşayış mühitlərinin bərpasına yönəlmiş proqramların həyata keçirilməsini təklif edib.
