Beynəlxalq Əfv Təşkilatı azərbaycanlı məhbusla bağlı bəyanat yaydı

GADTB-nin Mətbuat Mərkəzinə daxil olan məlumata görə, Beynəlxalq Əfv Təşkilatı Tehranın Evin həbsxanasında həbsdə saxlanılan və bir neçə xəstəlikdən əziyyət çəkən azərbaycanlı işçi hərəkatı fəalı Rza Şəhabi ilə bağlı bəyanat yayıb.

Bəyanatda dinc mübarizə aparan azərbaycanlı fəalın özbaşına həbs edildiyi və ədalətsiz mühakimə olunduğu vurğulanıb, ona həbsxanada vaxtında tibbi xidmət göstərilməməsi tənqid olunub.

Beynəlxalq Əfv Təşkilatı İran hakimiyyətindən azərbaycanlı işçi hərəkatı fəalının qeyd-şərtsiz sərbəst buraxılmasını tələb edib.

“İran hakimiyyəti beynəlxalq hüquqa sadiqliyini pozaraq, müstəqil həmkarlar ittifaqlarının fəaliyyətinin qarşısını almağa, işçilər və işçi haqları fəallarından ədalətsiz məhkəmələr və həbslərlə qisas almağa davam edir”,- Beynəlxalq Əfv Təşkilatının bəyanatında qeyd olunub.

Beynəlxalq Həmkarlar İttifaqları Konfederasiyası 2024-cü ildəki hesabatında İranı həmkarlar ittifaqı hüquqlarının təmin və riayət olunmadığı ölkələr sırasına daxil edib.

Qeyd edək ki, 2022-ci il mayın 12-də həbs edilən fəal əslən Güney Azərbaycanın Şəbistər şəhərindəndir.

O, “hökumətə qarşı təbliğat” və “ökənin milli təhlükəsizliyinə xələl gətirmək üçün toplaşmaq və əlbir olmaq”da ittiham edilərək, 6 il azadlıqdan məhrum edilib.

Həmçinin yoxlayın

Azərbaycan Ermənistanda artan sürətli hərbiləşmədən narahat olduğunu bildirir

GADTB-nin Mətbuat Mərkəzinə daxil olan məlumata görə, Azərbaycanın xarici işlər naziri Ceyhun Bayramov ölkədə səfərdə …

Türküstanda “Birləşdik-2024” hərbi təlimi davam edir

GADTB: Azərbaycan, Qazaxıstan, Qırğızıstan, Tacikistan və Özbəkistan respublikalarının Müdafiə nazirlikləri arasında imzalanmış birgə plana əsasən, …