GADTB Güney Azərbaycan Demokratik Türk Birliyi
GADTB: Birləşmiş Millətlər Təşkilatının İnsan Haqları üzrə Ali komisarı Volker Türk Əfqanıstan və İranda qadınların hüquqlarını sistemli şəkildə pozmaq səylərindən dəhşətə gəldiyini və bu cür antifeminist addımların uğursuzluğa düçar olacağını deyib.
O, məsələni bir başa hökumət rəsmiləri ilə müzakirə etmək üçün İrana səfər etməyi planlaşdırdığını, amma onun bu istəyinə Tehrandan cavab verilmədiyini söyləyib.
Türk deyib ki, bu səfər baş tutarsa, Tehran hökumətini qadınlara və qızlara qarşı ayrı-seçkiliyi dayandırmağa çağıracaq və onlarla etirazların vəhşicəsinə yatırılması məsələsini müzakirə edəcək.
Ali komisar İranın indiyədək iki narazının edam edilməsinə səbəb olan etirazlarla bağlı ölüm hökmünün verilməsi və icrası ilə bağlı xəbərdarlıq edib.
O qeyd edib ki, heç bir halda və qəti şəkildə etirazçılara qarşı ölüm hökmü çıxarılmamalıdır./Azad İran
