GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Bosniya müharibəsinin liderlərindən olan və Bosniya dövlət himninin müəllifi professor Cəmaləddin Latic deyib ki, bu bölgə 1-ci və 2-ci Dünya müharibələrinin başlanğıc nöqtəsi idi. Hazırda supergüclər bölgəyə toplaşır.
O, Serbiya tərəfinin qəsdən gərginliyi artırdığını və bölgəni yeni xaosa sürükləməyə çalışdığını bildirib:
“Serblər Monteneqro, Kosovo, Bosniya və Makedoniyanın daxil olduğu coğrafiyada Böyük Serbiya arzusundadırlar. Gərginlik azaldılmasa, Üçüncü Dünya müharibəsi eyni bölgədə yarana bilər”.
Latic Osmanlı i̇mperiyasını məhv edən mənfi hadisələrdə də mərkəz olaraq bölgəni göstərib:
“Türkiyə öz gücünü regionda hər aspektdə daha güclü hiss etdirməlidir. O, burada olmalıdır”.
Qeyd edək ki, Bosniyada yaşayan serblər Serbiya təhriki ilə Bosniyada serblərdən ibarət ordu yaratmağa və ölkənin böyük hissəsini Serbiyaya birləşdirməyi planlaşdırırlar.
