Böyük Britaniya: Sepaha dəstək və ya yardım 14 ilədək həbs, təxribat isə ömürlük həbs cəzası ilə nəticələnə bilər

GADTB: Böyük Britaniyanın Daxili İşlər Nazirliyi Sepahın daha əvvəl “Milli Təhlükəsizlik: Dövlət Təhdidləri” qanunu çərçivəsində terror təşkilatı kimi müəyyən edildiyini xatırladaraq bəyan edib ki, bu quruma dəstək vermək, ona yardım göstərmək və ya ondan maliyyə vəsaiti almaq 14 ilədək azadlıqdan məhrumetmə cəzası ilə nəticələnə bilər. Nazirlik həmçinin xəbərdarlıq edib ki, təxribat xarakterli əməllər törədən şəxslər ömürlük həbs cəzası ala bilərlər.

Böyük Britaniyanın Daxili İşlər Nazirliyinin bəyanatında deyilir:

Sepah “Milli Təhlükəsizlik: Dövlət Təhdidləri” qanununa əsasən terror təşkilatı kimi müəyyən edilib.

Sepaha dəstək verən, ona yardım göstərən və ya bu qurumdan pul alan hər bir şəxs 14 ilədək həbs cəzası ilə üzləşə bilər.

Təxribat xarakterli əməllər törədən şəxslər isə ömürlük azadlıqdan məhrumetmə cəzasına məhkum oluna bilərlər.