GADTB Güney Azərbaycan Demokratik Türk Birliyi
GADTB: ABŞ Prezidenti Donald Tramp iyulun 13-də bildirib ki, Birləşmiş Ştatlar Hörmüz boğazına “nəzarəti” öz üzərinə götürür.
Donald Tramp “Fox & Friends” proqramına müsahibəsində deyib: “Biz boğaza nəzarəti ələ keçiririk. Onların heç nəyi yoxdur. Heç nəyi yoxdur.”
O, həmçinin İran nümayəndə heyətinin “dünən” keçirilən danışıqlarda razılaşdırılmış müddəaları dəyişdirməyə çalışdığını bildirərək onların danışıqlar taktikasını tənqid edib.
Ötən həftə Hörmüz boğazında bir neçə ticarət gəmisinə qarşı İranla əlaqələndirilən hücumlardan sonra ABŞ ordusu İranın müxtəlif bölgələrində onlarla hədəfə zərbələr endirib. SEPAH isə öz növbəsində regiondakı ABŞ hərbi bazalarını, xüsusilə Oman və Bəhreyndə yerləşən obyektləri hədəfə aldığını açıqlayıb.
Donald Tramp Fox News telekanalına açıqlamasında deyib: “Biz boğazın keşikçisinə çevriləcəyik.” O əlavə edib ki, ABŞ indiyədək Hörmüz boğazını “heç bir qarşılıq gözləmədən” qoruyub, lakin bundan sonra bunun xərclərini varlı ölkələr ödəməlidir.
ABŞ prezidenti bildirib: “Biz onun mühafizəsinə görə ödəniş alacağıq. Söhbət böyük məbləğlərdən gedir. Sadəcə bütün bu işləri görməyimizin, qüvvələrimizi riskə atmağımızın və çəkdiyimiz xərclərin qarşılanmasını istəyirik.”
