Erməni təcavüzünü pislədiyinə görə İran rejimi azərbaycanlı fəal Siyamək Seyfini 2 il həbsə məhkum edib

GADTB-nin Mətbuat Mərkəzinə daxil olan məlumata görə, irqçi fars rejim Güney Azərbaycanın Xiyav şəhərində yaşayan azərbaycanlı milli-mədəni fəal Siyamək Seyfini Ermənistanın Azərbaycan ərazilərinə hərbi təcavüzünü pislədiyinə görə 2 il həbsə məhkum edib.

Bu barədə məlumat azərbaycanlı fəala mayın 20-də göndərilən rejimin məhkəmə bildirişində qeyd edilib. 

Rejim azərbaycanlı fəalı şərləyərək “Ictimai asayişi pozmaq üçün əlbir olmaq”da ittiham edib.

Ermənipərəst İran rejiminin göndərdiyi məhkəmə bildirişində yazılıb:

“İctimai asayişi pozmaq üçün əlbir olmaq ittihamı ilə bağlı Meşkin prokurorluğu və İnqilab Məhkəməsinin iddianaməsinə, ETTELAAT İdarəsinin hesabatına, müttəhimin telefonunda “Instagram” və “Telegram” sosial şəbəkələrində fəaliyyətinə dair əldə edilən materiallara əsaslanaraq, öncədən elektron poçt vasitəsi ilə bildirilməsinə rəğmən məhkəmə iclasına qatılmadığına görə, müttəhimin İslami Cəza Qanununun 61-ci maddəsinə əsasən Siyamək Seyfinin 2 il həbsinə qərar verilir. Onun yaxalandığı günlər də həbs müddətindən azaldılacaq”.

Qeyd edək ki, Siyamək Seyfi azərbaycanlı milli fəal Aydın Zakiri ilə birlikdə 18 oktyabr 2020-ci ildə Güney Azərbaycan şəhərlərində Qarabağın  azad edilmə əməliyyatlarına dəstək və İran rejiminin Ermənistana hərbi yardımlarına qarşı keçirilən etiraz aksiyalarında iştirak etdiklərinə görə yaxalanmışdı.

Həmçinin yoxlayın

Sayın Mikayil bəy Oyta Sidneydə Qıbrız Barış Əməliyyatının 50-ci ildönümü və 20 İyul Sülh və Azadlıq Günü münasibətilə tədbirə qatılıb-Video

GADTB-nin Mətbuat Mərkəzinə daxil olan məlumata görə, Avstraliya Azərbaycan Assosiasiyasının prezidenti, Güney Azərbaycan Demokratik Türk …

Fransa hərbi təyyarəsi İrəvanın “Zvartnots” hava limanına endi – Video

GADTB: Fransanın Hərbi Hava Qüvvələrinə məxsus təyyarə İrəvanda “Zvartnots” hava limanına enib. Hərbi təyyarədə silah-sursatın …