Çərşənbə , Yanvar 20 2021
azfa

Ermənistanın Azərbaycana hərbi təcavüzünü pisləmək məqsədilə Gürcüstanda mitinq keçirildi

GADTB-nin Mətbuat Mərkəzinə daxil olan məlumata görə, oktyabrın 10-da Gürcüstanın Marneuli şəhərində Azərbaycan Ordusuna dəstək aksiyası keçirilib.

Yüzlərlə insanın iştirak etdiyi tədbirdə əvvəlcə şəhidlərin xatirəsi ehtiramla anılıb.

Əllərində Azərbaycanın, Gürcüstanın və Türkiyənin bayraqlarını, eləcə də “Qarabağ Azərbaycandır!”, “Şəhidlər ölməz, Vətən bölünməz!”, “Yaşasın Azərbaycan-Gürcüstan dostluğu!” yazılan şüarlar əks olunan plakatları tutan nümayişçilər Azərbaycan Ordusunun uğurlu əks-hücum əməliyyatlarını yüksək qiymətləndirib, Azərbaycan dövlətinin, onun Prezidentinin ətrafında sıx birləşdiklərini bəyan ediblər.

Çıxışlarda Azərbaycan Prezidentinin xalqa müraciəti zamanı səsləndirdiyi fikirlərin Gürcüstanda yaşayan soydaşlarımızda ruh yüksəkliyi yaratdığını bildiriblər.

Qeyd olunub ki, Gürcüstanda yaşayan soydaşlarımız hər zaman Azərbaycan uğrunda döyüşməyə hazırdırlar.

Azərbaycan və gürcü ictimaiyyətinin nümayəndələri, siyasətçilər, elm adamları çıxışlarında Azərbaycan Ordusunun haqq uğrunda mübarizə apardığını, öz torpaqlarını işğaldan azad etdiyini, eyni zamanda, Qarabağda yaşanan gərginliyə və müharibəyə görə təcavüzkar Ermənistan rəhbərliyinin məsuliyyət daşıdığını xüsusi qeyd ediblər. Vurğulanıb ki, xarici havadarlarının köməyi və dəstəyi ilə Azərbaycan və Gürcüstan torpaqlarını işğal edən Ermənistanın sonu çatıb.

Azərbaycan Prezidenti, Ali Baş Komandan İlham Əliyevin rəhbərliyi ilə şanlı Azərbaycan Ordusunun qələbəsi Gürcüstan torpaqlarının azad olunması üçün imkan yaradacaq.

Aksiyada “Qarabağ bizimdir, bizim olacaq!”, “Yaşasın Azərbaycan!”, “Şəhidlər ölməz, Vətən bölünməz!” şüarları səsləndiriblər.

Aksiyada Marneuli ilə yanaşı, paytaxt Tbilisi, Rustavi şəhərindən, Qardabani, Bolnisi, Dmanisi, Saqareco, Kaspi və digər rayonlardan soydaşlarımız iştirak ediblər.

Gürcüstanın başqa şəhər və rayonlarından gələn soydaşlarımız avtomobil karvanı ilə Azərbaycan, Türkiyə və Gürcüstan bayraqlarını dalğalandırıblar.

Qeyd edək ki, İran rejimi əsil antiislam mahiyyətini ortaya qoyub və xristian ermənilərin müsəlman azərbaycanlıların ərazisinə hərbi təcavüzünü pisləyənlərə divan tutur.

Həmçinin yoxlayın

20 yanvar faciəsini törədənləri dindirən azərbaycanlı müstəntiq sirləri açdı: Yazov qəflətən…

GADTB: İdris Əsgərov respublikamızın qocaman və adlı-sanlı, şərəfli prokurorluq işçisi kimi təqaüdə 1996-ci ildə çıxıb. …

Bu gün 20 Yanvar faciəsindən 31 il ötür

GADTB: Azərbaycan tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrinin ildönümüdür. …

Bir cavab yazın