Cümə axşamı , Aprel 15 2021
azfa

Ermənistanın təşkil etdiyi qondarma “seçkilər” qurama oyundan başqa bir şey deyil

GADTB-nin Mətbuat Mərkəzinə daxil olan məlumata görə, Azərbaycan Xarici İşlər Nazirliyi işğalçı ermənilərin Azərbaycanın Dağlıq Qarabağ bölgəsində qanunsuz seçki oyunu ilə bağlı bəyanat yayıb.

Azərbaycan XİN-in Mətbuat xidməti idarəsinin rəisi Leyla Abdullayeva KİV-in Azərbaycanın işğal olunmuş Dağlıq Qarabağ bölgəsində keçirilən qondarma “seçkilərin” ikinci turu ilə bağlı KİV-in sualını cavablandırarkən deyib ki, Azərbaycan Respublikasının Ermənistan Respublikası tərəfindən işğal olunmuş Dağlıq Qarabağ bölgəsində işğalçı ölkə tərəfindən keçirilən qanunsuz “seçkilər” ilə bağlı Azərbaycan Respublikası Xarici İşlər Nazirliyinin (XİN) mövqeyi bu ilin 31 mart tarixində ifadə edilib. Azərbaycan Respublikasının Prezidenti cənab İlham Əliyev aprelin 14-də keçirilən 2020-ci ilin birinci rübünün sosial-iqtisadi yekunlarına həsr olunan videokonfrans şəklində müşavirədə bu məsələyə münasibət bildirərək qeyd etdi ki, “bu “seçkilər” bir daha göstərdi ki, bu qanunsuz xunta rejimini heç kim tanımır”.

L.Abdullayeva bir daha vurğulayıb ki, işğalçı ölkənin təşkil etdiyi bu “seçkilər”, neçənci mərhələsinin keçirilməsindən asılı olmayaraq, hər hansı hüquqi qüvvəsi olmayan və qurama oyundan başqa bir şey deyildir:

“Ölkəmizin müvəqqəti işğal altında olan Dağlıq Qarabağ böləsindəki bu qanunsuz aktla bağlı beynəlxalq ictimaiyyətin birmənalı mövqeyinə bir daha istinad edərək, qondarma “seçkilər” və onların nəticələrinin çoxsaylı beynəlxalq təşkilat və dövlətlər tərəfindən rədd edildiyini xatırlatmaq istərdim. Qondarma “seçkilər” ilə bağlı beynəlxalq ictimaiyyətin üzvləri tərəfindən hələ də bəyanatlar verilməkdə davam edir və bu xüsusda, Azərbaycanın beynəlxalq tanınmış sərhədləri çərçivəsində suverenliyi və ərazi bütövlüyünə dəstək ifadə olunur.

Azərbaycan ərazisində seçkilər ölkəmizin Konstitusiyasına uyğun olaraq keçirilir və konkret olaraq ölkəmizin Dağlıq Qarabağ bölgəsində seçkilər hərbi işğal amili aradan qaldırıldıqdan sonra və bölgənin hər iki icmasının iştrakı ilə baş tuta bilər. Bu məsələdə hər hansı əlavə şərhə ehtiyac duyulduğunu zənn etmirəm”.

Həmçinin yoxlayın

‍Tikantəpədə əhali ilə isfahanlı mədənçilər arasında toqquşma baş verdi

GADTB-nin Mətbuat Mərkəzinə daxil olan məlumata görə, Güney Azərbaycanın Tikantəpə bölgəsinin Yolqunağac kəndinin əhalisi ilə …

Azərbaycanlı vicdan məhbusu Səccad Şəhiri zindana qaytarıldı

GADTB-nin Mətbuat Mərkəzinə daxil olan məlumata görə, məzuniyyət müddəti bitən azərbaycanlı vicdan məhbusu Səccad Şəhiri …

Bir cavab yazın